ཉི་ཟེར་སྒྲོལ་མ།

བོད་གངས་ཅན་པའི་ལྷ་སྐལ་འཕགས་པ་སྤྱན་རས་གཟིགས་ཀྱི་རྣམ་སྤྲུལ་༸གོང་ས་༸སྐྱབས་མགོན་ཆེན་པོ་སྐུ་ཕྲེང་བཅུ་བཞི་པ་ཆེན་པོ་མཆོག་གི་བཀའ་དྲིན་རྗེས་དྲན་ཞུ་དགོས་དོན་ནི། དུས་རབས་ཉི་ཤུ་པའི་སྐབས་འདིར་བོད་དུ་རྒྱ་དམར་གྱིས་བཙན་འཛུལ་བྱེད་སྐབས་བོད་ཀྱི་ཆབ་སྲིད་གནས་སྟངས་ཧ་ཅང་ཉག་ཕྲ་བའི་དུས་དེར་༸གོང་ས་མཆོག་དགུང་གྲངས་བཅུ་དྲུག་ལས་སོན་མེད་ཀྱང་བོད་ཀྱི་ཆབ་སྲིད་ཀྱི་ཐུགས་འགན་བཞེས་ཏེ་རྒྱ་ནག་དང་ལྷན་དུ་ཞི་བའི་ཐོག་ནས་བོད་ཀྱི་དཀའ་རྙོག་སེལ་ཐབས་ཇི་ཙམ་གནང་ཡང་མཐར་དྲག་པོའི་དཔུང་གིས་ཕྱི་ལོ་ ༡༩༥༩ ཟླ་ ༣ ཚེས་ ༡༠ ལ་རྒྱལ་ས་ལྷ་ས་བཙན་བཟུང་གིས་རེ་ཞིག་རྒྱ་གར་དུ་ཕེབས་དགོས་བྱུང།

      རྒྱ་གར་སྲིད་བློན་མཆོག་ལ་རེ་འདུན་ཞུས་འབྲས་སུ་༸གོང་ས་མཆོག་ནས་ཐོག་མར་ཤེས་ཡོན་གལ་འགངས་ཅན་ཞིག་ཏུ་གཟིགས་ནས་བོད་ཕྲུག་ལ་སློབ་གྲྭ་ཟུར་དུ་གསར་འཛུགས་བཀའ་དྲིན་བསྐྱངས་གནང་བའི་དབང་གིས་བོད་ཕྲུག་ན་གཞོན་སྟོང་ཕྲག་མང་པོར་གནའ་དེང་གཉིས་ལྡན་གྱི་ཤེས་ཡོན་ཅན་ཆགས་ནས་དབུས་བོད་མིའི་སྒྲིག་འཛུགས་ཀྱིས་གཙོས་སྤྱི་སྒེར་ནང་དུ་ཕྱག་ལས་གནང་མཁན་ཇི་སྙེད་ཅིག་ཡོད་པས་ཞུ་ཅི་ལ་དགོས།

འཇམ་དབྱངས་བསྟན་མཚོ།

ཁྱོད་རང་ཁུ་བྱུག་བཞིན།

ནགས་ཀློང་དུ་ཡང་ཡང་གྲེ་འགྱུར་སྒྲོག་དུས།

ང་ནི་དགའ་སྡུག་གི་ཚོར་བ་སྐྱེན་ལ།

མི་ཡུལ་གྱི་མགྲོན་པོ་དེ་ཡིན་གཤིས།

རྣ་བ་བླགས་ཏེ་ཉན་པར་སྤྲོ།

ཁྱོད་ནི་སྦྲང་ཆར་བཞིན།

མེ་ཏོག་དང་འབྲུ་དྲུག་གི་གསོས་སུ་འབབ་ན།

ང་ནི་འཇའ་ཚོན་ལྟར།

ཁྱོད་ཀྱི་དྭངས་གཙང་དང་མཛེས་སྡུག་ལ་རོལ་མཁན་དེ་ཡིན།

རང་ཐར།

ཁྱོད་རང་འདི་ལྟར་དྲག་ཆར་ནང་དུ་འདུར་རྒྱུག་བྱེད་དོན་ཅི་ཡིན་ནམ།

      ལག་ངར་དུ་འཁྱག་འབུར་དོད་ཅིང་།

               ཆར་ཆུའི་གྲང་རེག་གིས་སྐེད་པ་གཟིར་བཞིན།

                        ཕྱེད་ཟུམ་པའི་མིག་ཟུང་ཆར་ཆུས་ཁེབས་པའི་གཞུང་ལམ་ལ་ཅེར་ནས།

འདི་ལྟར་བུ་མོའི་སྦག་སྦག༡་བཞོན་ནས་རྒྱུག་དོན་ཅི་ཡིན་ནམ།

ཁྱོད་ཀྱིས་མི་དྲན་ནམ།

      སྔོན་ཆད་ཁྱོད་ཀྱིས་རོགས་པ་ཚོའི་མདུན་ནས

      “ང་རང་བོད་ཀྱི་ལིས་ཐྲོ་ལི་སི་ཐྲོའོ༢་བྱེད་རྒྱུ་ཡིན”ཟེར་ནས་འུད་བཤད་མ་མྱོང་ངམ།

               ད་དུང་། བོད་ཀྱི་རྩོམ་པ་པོ་ཕལ་མོ་ཆེ།

      འཚོ་བའི་རྒྱ་མཚོ་ལ་ཟབ་ཏུ་ཞུགས་རྟིང་།