འཇམ་དབྱངས་བསྟན་མཚོ།
དབང་ཆེན་དཔོན་པོས་བྲན་དུ་མ་བཀོལ་ཞིང།།
རིགས་རུས་མཐོན་པོས་དབྱེ་འབྱེད་མ་བྱས་ཤིང་།།
འབྱོར་ལྡན་མི་ཡིས་རྡོག་པས་མ་བརྫིས་ཤིང་།།
འདྲ་མཉམ་ལག་འཇུའི་རེག་བྱ་འཇམ་ས་ཞིག།
འགྲན་རྩོད་འཕྲུལ་གྱི་འཁོར་ལོས་མ་བསྐོར་ཏེ།།
ང་ཁྱོད་འཁོན་པའི་འཚུབ་མས་མ་ལྡང་སྡེ།།
བཤུ་གཞོག་རི་གཟར་རྦབ་རྡོས་མ་གནོན་ཏེ།།
ལྷིང་འཇགས་དབེན་པའི་རི་གྲོང་ཡོད་ས་ཉིད།།
བསྟན་འཛིན་བསོད་ནམས།
རྒྱལ་ཀུན་སྙིང་རྗེ་གཟུགས་སུ་ཤར་བ་ཡི།།
ཐུགས་རྗེ་ཆེན་པོ་བདག་སྙིང་པདྨོར་བཞུགས།།
༸རྗེ་བཙུན་བླ་མ་རི་དབང་བསྟན་འཛིན་གྱི།།
རྗེས་དྲན་ཅུང་ཟད་བརྗོད་ལ་དཔང་པོར་མཛོད།།
སངས་རྒྱས་གྲངས་མེད་ཅི་ཙམ་བྱོན་ན་ཡང་།།
སེམས་ཅན་གྲངས་མེད་ད་དུང་ལྷག་པ་འདི།།
རང་རང་ལས་དང་སྐལ་བ་མ་འཛོམས་བར།།
ཅིས་ཀྱང་བསྒྱུར་དུ་མེད་པའི་བདེན་རྟགས་ཤིག།།
བསྟན་འཛིན་སྟོབས་ལྡན།
ཆོས་དཔེ།
གངས་ཅན་སྐྱབས་གཅིག་བསྟན་འཛིན་རྒྱ་མཚོ་ཡི།།
ཟབ་མོའི་གཞུང་ལུགས་མ་ལུས་མཁྱེན་པའི་བློ།།
མཁས་དགུའི་གཙུག་གནས་རྒྱལ་བ་བློ་བཟང་པའི།།
ཆོས་ཉིད་རྟོགས་པའི་བློ་ལྟར་གཏིང་དཔག་བྲལ།།