རང་ཐར།
ཁྱོད་རང་འདི་ལྟར་དྲག་ཆར་ནང་དུ་འདུར་རྒྱུག་བྱེད་དོན་ཅི་ཡིན་ནམ།
ལག་ངར་དུ་འཁྱག་འབུར་དོད་ཅིང་།
ཆར་ཆུའི་གྲང་རེག་གིས་སྐེད་པ་གཟིར་བཞིན།
ཕྱེད་ཟུམ་པའི་མིག་ཟུང་ཆར་ཆུས་ཁེབས་པའི་གཞུང་ལམ་ལ་ཅེར་ནས།
འདི་ལྟར་བུ་མོའི་སྦག་སྦག༡་བཞོན་ནས་རྒྱུག་དོན་ཅི་ཡིན་ནམ།
ཁྱོད་ཀྱིས་མི་དྲན་ནམ།
སྔོན་ཆད་ཁྱོད་ཀྱིས་རོགས་པ་ཚོའི་མདུན་ནས
“ང་རང་བོད་ཀྱི་ལིས་ཐྲོ་ལི་སི་ཐྲོའོ༢་བྱེད་རྒྱུ་ཡིན”ཟེར་ནས་འུད་བཤད་མ་མྱོང་ངམ།
ད་དུང་། བོད་ཀྱི་རྩོམ་པ་པོ་ཕལ་མོ་ཆེ།
འཚོ་བའི་རྒྱ་མཚོ་ལ་ཟབ་ཏུ་ཞུགས་རྟིང་།