ནགས་གཡག
{བློ་}ཁ་མཐུན་པའི་གྲོགས་པོ་ཡག་ཤོས་དེས།།
{བཟང་}པོ་ལས་ཀྱིས་སྒྲིག་པའི་ཆོས་གྲོགས་དེས།།
{བློ་}རིག་མཉམ་དུ་སྦྱོང་བའི་འཛིན་གྲོགས་དེས།།
{གཏན་}དུ་བྲལ་ནས་འགྲོ་རེད་བསམ་མྱོང་མེད།།
མི་རྟག་འཆི་བ་གཤིན་རྗེའི་རལ་གྲི་དེ།།
འགོ་མཇུག་མེད་པའི་སྨྱོ་དབྱུག་གཟའ་དབྱུག་དེས།།
ལོ་གཅིག་རྗེས་སུ་འཛོམ་རྒྱུའི་གྲོགས་པོ་དེ།།
འཇིག་རྟེན་ཕྱི་མར་བཏང་སོང་ཀྱེ་མ་ཧུད།།
འབྲི་བྱ་གླག་ནས།
དལ་འབྱོར་རྟེན་བཟང་ཟེར་བཞིན་དུ།
རྣམ་གཡེང་འཁྱུད་ནས་མི་ཚེ་འདས།།
བྱམས་དང་བརྩེ་བ་ཟེར་བཞིན་དུ།།
རང་གཅེས་གཞན་སྡང་གློག་ལྟར་འཁྱུག །
མ་འོངས་ཕུགས་བསམ་ཟེར་བཞིན་དུ།།
ལེ་ལོ་གཡེང་བའི་འདམ་དུ་བྱིང་།།
ཁ་ནས་ལ་ཞེན་ཟེར་བཞིན་དུ།།
ནང་དམེ་མཚོན་གྱིས་མདུང་རྩེར་བཙུད།།
འབྲི་བྱ་གླག་ནས།
ཚ་བས་རབ་ཏུ་མནར་བའི་ལྷོ་མཐའ་ཞིག་ན།།
ཀ་གདུང་མེད་པའི་ཁང་ཆུང་གྲུ་བཞིའི་ནང་དུ།།
ཚ་གདུང་སེལ་ཕྱིར་ཉིན་གང་ནང་དུ་ཡིབས་ཀྱང་།།
ལུས་ཕུང་གསེབ་ནས་རྔུལ་ཆུ་འཛེར་འཛེར་བཞུར་བྱུང་།།
མི་རིགས་སྣ་མང་འཛོམས་པའི་ས་མཐའ་ཞིག་ན།།
གྲོགས་མེད་ཁེར་རྐྱང་གྲོང་མཐར་འཁྱམ་ཉུལ་བྱས་དུས།།
གཞན་སྐད་མ་ཤེས་ཐབས་མེད་ལྐུག་བརྡ་བྱས་ཀྱང་།།
གོ་བརྡ་མ་འཕྲོད་ཡིད་སུན་གྲངས་ཀྱི་མི་ལོན།།