འབྲི་སྐལ་ལྡན།
དོན་བསྡུས། དཔལ་ལྡན་ས་སྐྱ་པའི་མངའ་ཐང་རྒྱ་སྐྱེད་བྱེད་པོ་འགྲོ་མགོན་ཆོས་རྒྱལ་འཕགས་པ་འདི་ཉིད་ཀྱི་འདས་རྐྱེན་སྐོར་ལ་ལོ་རྒྱུས་ཀྱི་བཤད་སྟངས་ཁག་ལས་རང་བཞིན་གྱིས་གྲོངས་པ་དང་དུག་ཕུལ་རེད་ཅེས་པ་གཉིས་ལ་དབྱེ་ཞིབ་ཅུང་བྱས་ནས་རང་གི་མྱོང་ཚོར་ཙམ་བཀོད་ཡོད།
བརྡ་ཆད་གཙོ་བོ། བླ་དཔོན་འགལ་ཟླ། འདས་རྐྱེན།
ཡིག་ཚགས་བསྐྱར་ཞིབ། སྔོན་དུ་འགྲོ་མགོན་ཆོས་རྒྱལ་འཕགས་པའི་འདས་རྐྱེན་ཐད་ལ་དུས་དེབ་དང་དཔྱད་རྩོམ་གང་མང་བལྟས་ཀྱང་དོན་གནད་འདི་དང་གཅིག་མཚུངས་སུ་བྲིས་པ་ཞིག་མ་མཐོང་། དོན་གནད་འདི་དང་འབྲེལ་ཆགས་པའི་རྩོམ་ཡིག་གཉིས་ལག་སོན་བྱུང་བར་ཞིབ་ལྟ་བྱས་ཀྱང་འདས་རྐྱེན་སྐོར་ཞིབ་ཚགས་འཁོད་པ་མ་མཐོང་བ་མ་ཟད། དོགས་གཞི་ཁ་གསལ་དུ་སྟོན་པའི་གནད་ཀྱང་མ་རྙེད་པས་ཡིག་ཚགས་བསྐྱར་ཞིབ་ནི་སྟོང་མིན་ཙམ་བཀོད་པ་ལས་འབྲི་ཐབས་བྲལ།