ལམ་བཟང་པོ།
འཛམ་གླིང་འཛིན་མའི་སྤོ་རུ་མངོན་འཕགས་ཤིང་། །རབ་དཀར་ཁ་བའི་རྡུལ་གྱིས་འཛིན་པའི་གནས། །རབ་མཛེས་སྒྱུ་མ་འཕྲུལ་གྱིས་བཀོད་འདྲ་བ། །ཕྱི་ནང་ལྷ་ཚོགས་འདུ་བའི་ཞིང་ས་སྟེ། །དགྲ་གཉེན་ཀུན་གྱིས་རྔམ་སེམས་མིག་བགྲད་ས། །ཕྱོགས་ཀྱི་མགྲོན་པོའི་མཛེས་སྡུག་མིག་འཕྲོག་ས། །དེ་ལས་ལྷག་པའི་ཞིང་མཆོག་མི་མངའ་བའི། །ཕ་ཡུལ་གངས་ལྗོངས་དབུས་ཀྱི་ཤར་ཕྱོགས་སུ། །རི་བོ་ཐམས་ཅད་གངས་རྫ་སྤང་འཛོམས་ས། །དེ་ལ་ནགས་ཀྱི་ཤམ་བུའི་སུལ་སྟུག་ས། །ཡར་སྐྱེས་རྩྭ་རྩི་སྨན་གྱི་དྲི་འཐུལ་ས། །མར་འབབ་ཆུ་བོ་ཁྱད་ཆོས་བརྒྱད་ལྡན་ས། །