སེ་གངས་ཆུ།
སེམས་ཡ་ཆུང་དབུས་ན་ལྷ་ཞིག་ཡོད། །
ལྷ་དེ་ནི་མ་བསྒྲུབས་ལྷུན་གྲུབ་ཡིན། །
ལྷོ་འཛམ་གླིང་ཞི་བདེའི་དེད་དཔོན་དེ། །
ཚེ་འདི་ཕྱི་གཉིས་ཀྱི་མགོན་སྐྱབས་ཤིག།།
སྙིང་དམར་པོའི་དཀྱིལ་ལ་ཆོས་ཤིག་ཡོད། །
ཆོས་དེ་ནི་མ་བསླབས་རང་འབྱུང་ཡིན། །
དབྱངས་མ་ཎི་ཡིག་དྲུག་སེམས་ཀྱི་རྟེན། །
སྔོན་ཚེ་རབས་དུ་མའི་ཆོས་སྐལ་ཡིན། །
མིག་ཡ་ཆུང་ནང་ལ་གྲོགས་ཤིག་ཡོད། །
གྲོགས་གཞན་གྱིས་མ་བསྒྲིགས་སྟོན་པས་གནང་། །
ཡུལ་རྒྱུས་མེད་ས་མཐར་འཁྱམས་པའི་དུས། །
གྲོགས་མདོ་སྔགས་གཉིས་དང་མཉམ་དུ་འགྲོགས། །
གཞིས་སྦྲ་ནག་ནང་ལ་དྲོད་ཅིག་ཡོད། །
དྲོད་ཉི་མས་མ་གནང་ཕ་མས་གནང་། །
དྲིན་ཕ་མས་གནང་བའི་དྲོ་སྐྱིད་འདི། །
ཤ་རུས་པའི་གསེབ་ཀྱི་བརྩེ་བ་ཞིག།།