སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

ལྟ་བ་རྟེན་འབྱུང་ཞེས་པ་ནི། གཟུགས་སྒྲ་སོགས་བསྐྱེད་མཆེད་བཅུ་གཉིས་ཀྱི་ཆོས་ཐམས་ཅད་ཡོད་པར་འདོད་པ་ཕྱི་ནང་ཀུན་མཚུངས་ཀྱང་། ཡོད་ཚུལ་ལམ་ཡོད་པའི་རྒྱུ་མཚན་མི་འདྲ་བས། ནང་པའི་གྲུབ་མཐའ་སྨྲ་བ་རྣམས་ཀྱིས་འབྲས་བུའི་ཆོས་རྣམས་རང་གི་རྒྱུ་རྐྱེན་གཞན་ལ་ལྟོས་ནས་གྲུབ་པའི་རྟེན་འབྱུང་དང་། རང་གི་ཆ་ཤས་ལ་ལྟོས་ནས་གྲུབ་པའི་རྟེན་འབྱུང་དང་། མིང་དང་རྟོག་པས་བཏགས་པའི་རྟེན་འབྱུང་སྟེ། རྟེན་འབྱུང་ལ་ཕྲ་རག་མི་འདྲ་བ་གསུམ་རང་སྡེ་དངོས་སྨྲ་བ་དང་། དབུ་མ་པ་དག་གིས་འདོད། རྟེན་འབྱུང་ཕྲ་རག་ཙམ་ལས་འབྲས་བུའི་ཆོས་རྣམས་རང་གི་རྒྱུ་རྐྱེན་ལ་ལྟོས་པའི་ལྟོས་གྲུབ་ཀྱི་རིགས་པ་སོགས་ཀྱིས་ལྟོས་གྲུབ་མ་ཡིན་པའི་འདུས་བྱས་ཅུང་ཟད་ཀྱང་མི་འདོད་པ་ནི་ནང་པ་སྤྱིའི་ལྟ་གྲུབ་དང་། སྤྱོད་པ་འཚེ་མེད་ནི།

འབྲི་ལྷ་རམས་དགེ་བཤེས་ངག་དབང་ཐོགས་མེད།

ཐེག་གསུམ་བྱང་ཆུབ་བགྲོད་ལ་ལྟ་བའི་མིག །
ཡང་དག་ཇི་བཞིན་གསལ་བར་སྟོན་མཛད་པའི།།
སྟོན་མཆོག་ཤིང་རྟ་ཆེན་པོ་ཡབ་སྲས་དང་།།
འཇམ་མགོན་བླ་མ་སྲས་དང་བཅས་ལ་འདུད།།

རྗེའི་དངོས་སློབ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་ཆོས་ཀྱི་སྡེ་ཆེན་པོ་དཔལ་ལྡན་འབྲས་དཀར་སྤུངས་པ་ཕྱག་བཏབ་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་དུ། 

དགེ་བཤེས་ངག་དབང་ཐོགས་མེད།

ལོ་སྔོན་མའི་དུས་དེབ་ཐོག་ཏུ་བཀོད་པའི་འཕྲོས།

གཉིས་པ། ལས་འཕེལ་ཆེ་བ་ནི།

ཕྱིའི་ས་བོན་ཆུང་ངུ་ལས་འབྲས་བུ་ཆེན་པོར་འབྱུང་བ་མཐོང་ཐོས་ཡོད་པ་དེ་ལས་ཀྱང་ནང་སེམས་ཀྱི་ལས་འབྲས་འཕེལ་འགྱུར་ཆེ་བ་གསུངས་ཏེ། དཔེར་ན་བུད་མེད་ཅིག་གིས་སངས་རྒྱས་ལ་ཏིལ་གྱི་ལ་དུ་སྦར་བ་གང་ཕུལ་བས་མ་འོངས་པ་ན་རང་སངས་རྒྱས་སུ་འགྱུར་བ་ལུང་བསྟན། ཁྱོ་དེ་ཡིད་མ་ཆེས་པ་ན་སངས་རྒྱས་ཀྱིས་ནྱ་གྲོ་ངྷའི་ས་བོན་ཡུངས་ཀར་ཙམ་ལས་ཤིང་རྟ་ལྔ་བརྒྱ་ཤོང་བའི་ཤིང་སྡོང་ཆེན་པོ་སྐྱེས་པ་དཔེ་མཛད་ནས་གསུངས་པ་ལྟར་འདི་ཤིན་ལྐོག་ཡིན་པས་ལུང་ལ་བརྟེན་ནས་ངེས་པ་རྙེད་དགོས་ལ། སྤྱིར་ཤེས་བྱ་ཐམས་ཅད་མངོན་སུམ་དང་དངོས་སྟོབས་ཀྱིས་མི་གྲུབ་པས་ལུང་ལ་བརྟེན་པ་ཡང་བློ་ལྡན་རྣམས་ཀྱི་དཔྱོད་ཚུལ་ཡིན་ནོ། །དེ་ལྟར་ཡང་ཚོམས་ལས། སྡིག་པ་ཆུང་ངུ་བྱས་པས་ཀྱང་། །འཇིག་རྟེན་ཕ་རོལ་འཇིགས་ཆེན་དང༌། །ཕུང་ཀྲོལ་ཆེན་པོ་བྱེད་འགྱུར་ཏེ། །ཁོང་པར་སོང་བའི་དུག་བཞིན་ནོ། །བསོད་ནམས་ཆུང་ངུ་བྱས་པས་ཀྱང་། །འཇིག་རྟེན་ཕ་རོལ་བདེ་ཆེན་འདྲེན། །དོན་ཆེན་དག་ཀྱང་བྱེད་འགྱུར་ཏེ། །འབྲུ་རྣམས་ཕུན་ཚོགས་སྨིན་པ་བཞིན། ཞེས་སོ།