སེ་གངས་ཆུས།
མི་ལོ་སྟོང་ཕྲག་རིང་མོ་ཡི།།
ལོ་རྒྱུས་ལྡན་པའི་རྒྱལ་ཁབ་དེ།།
དབང་ཡོད་དབང་མེད་འཕྲད་པའི་དུས།།
བདེན་ལྕེ་ཡོད་ཀྱང་སྨྲ་དབང་མེད།།
ཇག་ཚོགས་འདྲ་བའི་གུང་བྲན་གྱིས།།
བོད་རྒྱལ་བཙན་པོའི་སྐད་ཡིག་སོགས།།
རང་དབང་མེད་པར་སྣུབ་པའི་དུས།།
སྐྱོ་སེམས་མིག་ཆུ་འགོག་ཐབས་བྲལ།།
སྡུག་གི་མིག་ཆུ་བཞུར་བ་འདི།།
ཆོས་ལུགས་ཤིག་གི་ཉམས་གུད་མིན།།
ཁྱིམ་ཚང་ཞིག་གི་ཕམ་ཁ་མིན།།
རྒྱལ་ཁབ་ཅིག་གི་ཆགས་འཇིག་ཡིན།།
གངས་ཅན་བོད་རིགས་སྤུན་ཟླ་ཚོ།།
ས་ཕྱོགས་གང་ལ་བཞུགས་ན་ཡང་།།
སྐད་ཡིག་རིག་གཞུང་སྲུང་སྐྱོབ་བྱོས།།
འདི་དག་ང་ཚོའི་སྲོག་རྩ་རེད།།
༢༠༢༤།༧།༡༤།
རྒྱ་ནག་དམོར་པོའི་སྲིད་གཞུང་གིས་མི་ལོ་བཅུ་ཕྲག་དུ་མའི་ལོ་རྒྱུས་ལྡན་པའི་བོད་ཀྱི་སྐད་ཡིག་དང་རིག་གཞུང་ལ་སློབ་སྦྱོང་བྱ་སའི་ལྟེ་གནས་རྭ་རྒྱ་ཤེས་རིག་སློབ་གླིང་བཙན་བཤད་ཀྱིས་སྒོ་བརྒྱབ་པའི་ཉིན་མོར་བྲིས།