ནགས་ཤོད་སྐལ་རྒྱན།
རྣམ་གྲོལ་ཞི་བའི་གོ་འཕང་མཐོན་པོ་ན། །
རྣམ་ཀུན་ཆོས་ལ་མཁྱེན་པ་ནམ་མཁའི་མཐོངས་། །
རྣམ་མང་འགྲོ་ལ་ཐུགས་རྗེ་རྒྱ་མཚོའི་ཀློང་། །
རྣམ་འདྲེན་སྟོབས་བཅུ་མངའ་བ་གཙུག་ན་རྒྱལ། །
ཐུབ་བསྟན་ཞི་བའི་ལྷུན་པོ་ཤིན་ཏུ་བརླིང་། །
བསྟན་འཛིན་གདོང་ལྔའི་དབང་པོ་རྩལ་དྲུག་རྒོད། །
ལུང་རིགས་མཆེ་སྡེར་བགྲད་པའི་ཕ་ས་ན། །
རྒོལ་ངན་ཝ་མོའི་ངུ་ཤར་ཤ་རེ་ཚ། །
སེར་ལྷོ་ཕྱོགས་གླང་།
དབུ་མ་ལ་འཇུག་པ་ལས་ །གང་ཕྱིར་གང་གིས་ཡུལ་མྱོང་གྱུར་དེ་ལས།།ཞེས་དང་།
སྤྱོད་འཇུག་ལས།གཞན་མྱོང་བ་དང་འབྲེལ་བ་ལས།ཞེས་དང་།དབུ་མ་སྙིང་པོ་ལས།གལ་ཏེ་ཡུལ་དུ་སྣང་བ་ཉིད། །ཅེས་སོགས་ཀྱིས་རང་རིག་བཀག་ནས།སྔ་མ་གཉིས་ཀྱིས་རང་རིག་མེད་ཀྱང་དྲན་པ་སྐྱེ་ཚུལ་མི་འགལ་བའི་སྒོ་ནས་རང་རིག་མི་འདོད་པ་ཡིན།འདོད་པའི་ཕྱོགས་དེ་དག་གིས་ཀྱང་དཔེར་ན་སློབ་དཔོན་ཕྱོགས་ཀྱི་གླང་པོས་ཡུལ་ཤེས་པ་དང་དེ་ཤེས་པའི། །དབྱེ་བས་བློ་ཡི་ཚུལ་གཉིས་ཉིད། །དུས་ཕྱིས་དྲན་པ་ལས་ཀྱང་སྟེ། །ཚུལ་གཉིས་དང་ནི་རང་རིག་གྲུབ། །མ་མྱོང་བ་འདི་མེད་ཕྱིར་རོ། །ཞེས་པ་ལྟ་བུས་དུས་ཕྱིས་དྲན་པ་ཡོད་པ་ལས་རང་རིག་སྒྲུབ་པར་མཛད།