འབྲི་སྐལ་བཟང་།
འཛམ་གླིང་འདིའི་སྟེང་གི་འགྲོ་བ་མི་རྣམས་ཀྱི་རྫས་རྒྱུན་ཡར་དེད་ན་རིགས་རྫས་ཀྱི་ཐོག་མ་པུར་ཀར་ཡོ་ཊིག་སོགས་ལ་ཐུགས་ཀྱི་ཡོད་པའི་སྐོར་ནི་དུས་དེབ་སྔོན་མའི་ནང་དུ་བཤད་ཟིན། ད་ནི་འགྲོ་བ་མི་ཞེས་པ་དེ་བྱུང་ཟིན་པའི་རྗེས་སུ་དེ་དག་སྐྱེ་འཕེལ་ཇི་ལྟར་བྱེད་པའི་སྐོར་ཅུང་ཟད་འཆད་པར་འདོད། དེའི་ཚུལ་ནི་ང་ཚོ་འགྲོ་བ་མི་ཞེས་སྤྱིའི་ཚུལ་དུ་གཅིག་མཚུངས་སུ་ཡོད་ཀྱང་འདི་དག་གི་བོངས་ཚད་དང༌།
དབྱིབས་དང་ཁ་དོག་སོགས་ལ་མི་འདྲ་བའི་རྣམ་པ་དུ་མ་ཞིག་ཡོད་པ་གསལ་པོ་ཡིན། རིགས་རྫས་ཚོགས་ཕུང་གཅིག་དུམ་བུར་ཆད་པའི་ཆ་ཤས་སོ་སོར་འཕེལ་བ་ལས་བྱུང་བའི་ཕྲུ་གུ་མཚེ་མ་ལྟ་བུ་ལ་ཡང་ཞིབ་ཏུ་བརྟག་ན་དེ་གཉིས་ཀྱིས་ཕྱི་རོལ་གྱི་རྫས་ལོངས་སྤྱོད་སྟངས་དང༌། མ་ཡི་མངལ་དུ་ཕྱོགས་གཡས་གཡོན་གནས་སྟངས་སོགས་ཀྱིས་ཁྱད་པར་ཕྲན་བུ་ཞིག་ཆུང་དུས་ནས་ཡོད་ལ། རིམ་གྱིས་ཆེན་པོར་གྱུར་བའི་ཚེ་ནི་ཁ་ཟས་ལོངས་སྤྱོད་སྟངས་དང༌།