རིགས་པའི་མྱུ་གུ།
ང་ཚོའི་སྤྱི་ཚོགས་ཁྲོད་དུ་ཚན་རིག་ལ་ཞིབ་ཚགས་པོའི་ཐོག་ནས་བསམ་བློ་གཏོང་མཁན་ཉུང་ཞིང་དགག་པ་སྐྱོན་མཁན་མང་བ་དང་།
བོད་ཀྱི་མཁས་དབང་འགའ་ཞིག་ནས་ཀྱང་དགག་པ་སྐྱོན་གནང་གི་ཡོད་པ་རེད་དེ། དགག་པ་སྐྱོན་མཁན་དེ་དག་ལ་ཕྱོགས་སུ་མ་ལྷུང་བའི་ཐོག་ཞིབ་འཇུག་མཐིལ་ཕྱིན་ཞིག་བྱེད་ན། ཕལ་ཆེ་བ་ཚན་རིག་ལ་དོ་སྣང་བྱས་པ་ཙམ་ལས་གཏིང་ཟབ་སློབ་སྦྱོང་བྱེད་མྱོང་མེད་པ་ཤ་སྟག་རེད།
དོན་དངོས་དང་མཐུན་པའི་ཚན་རིག་སྦྱངས་པ་བྱས་པའི་ཁེ་ཕན་ལ་བསམ་གཞིག་བྱས་ཚེ། ནང་པ་ཞིག་ཡིན་པའི་ཆ་ནས་ཚན་རིག་སྦྱོང་རྒྱུ་གལ་ཆེན་ནང་གི་གལ་ཆེན་ཞིག་ཡིན་པ་ངས་སྤོབས་པ་མཐོན་པོའི་སྒོ་ནས་བཤད་ཐུབ།