ནགས་ཤོད་ཅོང་བརྡ།
བཅུ་དྲུག་ལང་ཚོ་འོ་མའི་ཁུར་ལྕི་ཞིང་།།
གླང་ཆེན་འགྲོས་ལྡན་ཟླ་བ་རྒྱས་པའི་བཞིན།།
རི་དྭགས་མིག་གཡོ་དག་ནི་རིང་སྤངས་ཏེ།།
སུམ་ཅུའི་མྱོས་བུམ་ལག་སེན་རི་མོ་བབས།།
དཀའ་དམར་མཚོན་གྱིས་བཞིན་གཉེར་ལེཌ་སུབ་པ།།
ཆགས་མིག་ཡང་ཡང་གཡོ་ལ་གོམས་པ་དེ།།
རྐུས་ན་ཆོག་ཀྱང་གཏན་གྲོགས་རུང་བ་མིན།།
ཁ་སེམས་མ་བཅོས་འོ་མའི་མདངས་ལྡན་ཞིང་།།
༢༠༡༣ ལོའི་སྙན་རྩོམ་འགྲན་བསྡུར་སྐབས་ཀྱི་རྩོམ་ཡིག
བསླབ་གསུམ་ཚུམ་ཁྲིམས།
ཇི་སྙེད་ཤེས་བྱ་རྡུལ་སྙེད་ལས་འདས་པར། །
རེ་རེའི་བརྡ་དང་གནས་ལུགས་མཇལ་འདོད་ན། །
མ་འདྲིས་མཛའ་བཤེས་རྣམས་ཀྱིས་ཞབས་དྲུང་དུ། །
མ་ཤེས་བར་དུ་ཆུ་བོའི་རྒྱུན་བཞིན་བརྩོན། །
བྱིས་དམར་ཞལ་ལྷན་འཁྲུངས་པའི་ཨི་སོགས་དང་། །
བྱུར་མདོག་ལྗག་འགྲོས་མང་བའི་ཀ་སྡེ་སོགས། །
མ་སྲིན་ཕ་སྤྲེའུ་བུ་ཡི་རིག་འབྱུང་དང་། །
མ་ཚད་རིག་གནས་ཡོངས་ཀྱི་འཇུག་སྒོ་ཡིན། །
༢༠༡༣ལོའི་སྙན་རྩོམ་འགྲན་བསྡུར་སྐབས་ཀྱི་རྩོམ་ཡིག
སྐལ་བཟང་རབ་རྒྱས།
སྔོན་བྱོན་རྒྱལ་བློན་མཁས་གྲུབ་རྣམས་པ་དང་།།
ས་སྟེང་དགེ་ལེགས་སྩོལ་བའི་དྲིན་ཆེན་རྗེ།།
བཀའ་དྲིན་གཞལ་མེད་ཀུན་ཏུ་བཟང་པོ་སོགས།།
གུས་པ་ཆེན་པོས་སྙིང་ནས་སྐྱབས་སུ་འཛིན།།
ཤེས་རིག་པད་དཀར་ཡངས་པའི་ཕོ་བྲང་ནས།།
བློ་གསར་སྒོ་འབྱེད་དཔྱོད་ལྡན་སློབ་དཔོན་དང་།།
ལམ་བཟང་སྟོན་མཁན་བརྩེ་ལྡན་གོ་སྒྲིག་པ།།
ལྷག་བསམ་དྭངས་མས་སྙིང་ནས་འཚམས་འདྲི་ཞུ།།