དང་པོ་ཞིང་འབྲོག་ལས་ཀྱི་ཉམས་མྱོང་བསགས། །གཉིས་པ་ཆོས་ཞིག་བསམ་ནས་རབ་ཏུ་བྱུང༌། །གསུམ་པ་སློབ་སྦྱོང་ཆེད་དུ་འཕགས་ཡུལ་ཕྱིན། །བཞི་པ་རྐྱེན་ངན་ཞིག་གིས་ཨ་རིར་བསྐྱལ།། ལྔ་པ་རང་དབང་དོན་དུ་འདི་རུ་བསྡད། །ད་ལྟ་ནགས་ལྷའི་སྒྲོན་མེའི་རྩོམ་སྒྲིག་པ། །
སེར་ལྷོ་སྐལ་བཟང་རྒྱ་མཚོ་འམ་ནགས་ཧ་ཧ་སྐལ་བཟང་ནི་སྤྱི་ལོ ༡༩༨༢ ལོ་མདོ་ཁམས་ནགས་ཤོད་འབྲི་རུ་བྱེ་མ་གྲོང་ངམ་བཀྲིས་དར་ལུང་གྲོང་དུ་ཕ་བསོད་ནམ་རྒྱལ་མཚན་དང༌། མ་སྲི་ཆོད་སྒྲོལ་མ་གཉིས་ཀྱི་བུ་རུ་སྐྱེས། ཆུང་དུས་ནས་བོད་ཡིག་འབྲི་ཀློག་སོགས་ལ་སྦྱངས་པ་དང༌།