ཉི་སྲས་སྒྲོལ་མ།
མཛེས་སྡུག་ལྡན་པའི་ཡུལ་ལུང་བལྟས་ན་མཛེས་པའི་དཀྱིལ་འཁོར་ལ་རྟ་ནོར་ལུག་གསུམ་གྱིས་ཕྱུག་པའི་མཁར་ཁྱིམ་ཀྱི་ནང་དུ་ཁྱིམ་ཀྱི་བདག་མོ་ལས་ལ་བརྩོན་བཞིན་བསྡད་ཡོད། རང་ཉིད་ཀྱི་ཕྲུ་གུ་རྣམས་རྩེད་མོར་རོལ་ཞིང་དགའ་བའི་ངང་གནས། མཁར་ཁྱིམ་ཆུང་ཆུང་ནང་དུ་ཁྱོན་ནང་མི་བཅུ་ཡོད། དེ་ཡང་ནང་མི་རྣམས་སྤྲོ་སྐྱིད་ལྡན་པའི་འཚོ་བ་སྐྱེལ་བཞིན་ཡོད། དེ་ཡང་ཡུལ་ལུང་དེར་ཡོད་པའི་ཁྱིམ་ཀྱི་བདག་མོ་ལ་ཡོངས་གྲགས་སུ་ཨ་ཆེ་ཞེས་ལབ་སྲོལ་ཡོད། མོ་ལ་མཚོན་ན་མི་གཞན་གྱིས་བསྔགས་བརྗོད་ཀྱི་ཡུལ་དུ་གྱུར། ཁྱིམ་གྱི་པ་ལགས་མཚོན་ན་ཡང་སྒོ་ཕྱུགས་སེམས་ཅན་གསོ་ཉར་བྱེད་པར་དགའ་ལ། སེམས་ཅན་ཡོད་པའི་རྐྱེན་གྱིས་ཁྱིམ་རྒྱུད་ཀྱི་མཚན་བྱང་ནི་ལུ་གུ་ཚང་ངམ་དོན་གྲུབ་རྡེ་རྗེ་ཞེས་འབོད། པ་ལགས་ནི་ཚང་མ་མཉམ་དུ་མཐུན་སྒྲིལ་ཧ་ལས་པ་ཡོད་མཁན་ཞིག་ཡིན་པས། ཡུལ་མི་རྣམས་ཀྱི་སེམས་ནང་ལ་དད་གུས་བྱེད་སའི་ཕ་ཡག་པོ་ཞིག་ཡིན།
དེ་ཡང་ཐེངས་ཤིག་དུས་རྒྱུན་དང་མི་འདྲ་བའི་དགུན་ཁའི་གངས་ཤུགས་ཆེན་པོ་ཞིག་དངོས་སུ་ཡུལ་ལུང་ཐམས་ཅད་ཁ་བས་གཡོགས། དགོང་མོ་དེར་ནང་མི་ལྷན་འཛོམས་ཐོག་ཐུག་པ་བཟོ་བཞིན་པ་ལ། བར་སྐབས་དེ་ལ་ཐབ་ཏུ་བསྐོལ་བའི་ཐུག་པའི་སྣོད་དེ་གློ་བུར་འབར་གས་ཕྱིན། སྐབས་དེར་མཁར་ཁྱིམ་ཆུང་ཆུང་གི་ནང་ལ་གློག་མེད་པ་མ་ཟད་ནང་དུ་ཡོད་པའི་ནང་མི་རྣམས་སྐད་སྒྲ་ཆེན་པོའི་ཐོག་རྐྱེན་ངན་བར་ཆད་གང་ཞིག་བྱུང་ཞེས་སྨྲེ་ངག་འཕྱུར། མུན་ནག་འཁྲིགས་པའི་འཁོར་བའི་སྔུག་བསྔལ་ལྟ་བུ་དངོས་སུ་བྱུང་། ཁྱིམ་ཀྱི་བདག་མོའི་མགྲིན་པའི་ཐོག་ལ་རྨས་སྐྱོན་ཤུགས་ཆེན་ཞིག་ཕོག་ཡོད། དེ་ཡང་ཁང་ཁྱིམ་ནང་དུ་ཡོད་པའི་ནང་མི་རྣམས་སྐད་ཤུགས་ཆེན་པོས་ཕར་ཚུར་སྐད་འབོད་རྒྱག་བཞིན་བསྡད། ཟླ་བ་གཅིག་ཙམ་ལ་སོན་པའི་གཅེས་ཕྲུག་བུ་མོ་ཞིག་གིས་སྐད་ཆེན་པོས་ངུས། ནང་གི་གཅེན་པོ་ཆེ་ཤོས་དེས་མགྱོགས་པོ་ཁྱེར་ནས་ཕྱི་ལོགས་ལ་འཕངས། དེ་སྐབས་སུ་སེམས་ནང་ལ་ག་བྱེད་འདི་བྱེད་མེད་པར་ལུས་པ་དངོས་སུ་བྱུང་།
གང་འཚམ་རྗེས་སུ་ཁྱིམ་ཀྱི་བདག་མོ་མཐོང་ས་མེད་པར་གྱུར། ནང་གི་གཅེན་པོའི་སེམས་ནང་ལ་མ་སྐྱིད་པའི་ཚོར་བ་ཞིག་བྱུང་མ་ཐག་ཁ་ནས་ཨ་མ་ག་བ་ལ་ཡོད་པའི་སྐད་ཆའི་ལབ་ཕྱོགས་དེས་མིག་ཆུ་རྒྱ་མཚོ་ལྟ་བུ་བྱུང་། གང་མགྱོགས་ཕྱི་ལ་འགྲོ་བའི་སྐབས་སུ་ཁྱིམ་ཀྱི་བདག་མོ་ཁ་བར་ཐིམ་ཡོད་པ་མཐོང་། ལམ་སང་ཨ་མས་བུ་ཆེ་བ་དེར་ལག་བརྡ་བྱས་ནས་" ངའི་བརྩེ་བའི་བུ་ཁྱོད་ཀྱིས་ནང་དུ་ཡོད་པའི་བུ་ཕྲུག་རྣམས་གཅེས་སྐྱོང་ཡག་པོ་ཞིག་གནང་རོགས་ཞེས་ལབ་ནས་མིག་ཆུ་རང་དབང་མེད་པ་ཤོར། ངས་བཤད་པའི་སྐད་ཆ་སེམས་ལ་ཞོག་ཅིག དེ་ལས་བཤད་དགོས་པ་ལ་ནང་དུ་ཡོད་པའི་བུ་མོ་གཉིས་དེ་ལ་རང་ཉིད་ཀྱི་ཕ་མ་ནང་བཞིན་ལྟ་སྐྱོང་བྱོས་དང་། "ཚིག་དོན་དེ་བཤད་ནས་རེ་བ་མེད་པའི་གནས་སུ་གྱར་ཡོད། ཡིན་ན་ཡང་སྐབས་དེ་དུས་མི་རྣམས་ཕན་ཚུན་མཐུན་སྒྲིལ་ཡག་པོ་ཡོད་པའི་རྐྱེན་གྱིས་དེའི་བར་འབྲེལ་ལམ་བཟོས་ཏེ་མཐའ་མར་ནང་གི་ཨ་མའི་ཚེ་སྲོག་ལ་བར་ཆད་མ་བྱུང་། སྒྲུང་དེའི་བསླབ་བྱ་གཙོ་བོ་ནི་དཀའ་ལས་གང་བྱུང་ཡང་རང་ཉིད་ཀྱི་རེ་བ་དེ་དུས་ནམ་ཡང་བརྗེད་ཐབས་མེད་པ་དང་། ནང་མི་མཉམ་དུ་ཡོད་དུས་མཐུན་ལམ་གནང་དགོས་པ་ཡིན།