སྔ་འགྱུར་མཐོ་སློབ་ནས། འགོམ་བསྟན་འཛིན་ལམ་བཟང༌།
དེ་རིང་ནི་དབྱར་དུས་ཡིན་པས་ཞོགས་པ་ཆར་སིམ་སིམ་ཞིག་བབ་སོང་ལ།
རྟ་བདུན་དབང་པོ་ཡང་དལ་གྱིས་ཤར་རིའི་རྩེ་ནས་སྐྱེ་འགྲོ་ཀུན་ལ་བརྩེ་བའི་འཛུམ་གྱིས་བཞད་བྱུང༌།
རི་བོ་སྟོད་སྨད་ཀུན་ལ་ཆུ་འཛིན་ཕུང་པོ་དམ་དུམ་གཡོ་བཞིན་འདུག གཞན་གསོས་བུ་མོས་སྙན་པའི་སྒྲ་དབྱངས་ཤིག་སྐྱེ་རྒུའི་རྣ་བའི་བུ་གར་ལྷུང་དུས་རྒྱུ་དང་མི་རྒྱུ་ཀུན་ལ་དགའ་བའི་དཔལ་ཡང་སྟེར། དེ་དང་ཆབས་ཅིག་བདེ་ཆེན་གྲོང་ནི་ཁྱིམ་ཚང་ཉུང་ཡང་ཕན་ཚུན་འཆམ་ཞིང༌། ཀླ་ཀློའི་དུག་རླུང་འཚུབ་མ་ཞིག་གང་སར་རྒྱུ་བའི་གནས་བཟོད་མི་བདེ་བ་ཡོད་པ་ནི་གྲོང་དེ་གཅིག་པུར་མིན་པར་ཁ་བའི་ཡུལ་གྲུ་གང་སར་གཅིག་མཚུངས་ཡིན།