ནགས་ཤོད་སྐལ་རྒྱན། སངས་རྒྱས་བཅོམ་ལྡན་འདས་འཛམ་བུ་གླིང་དུ་བྱོན་ནས་
ཆོ་འཕྲུལ་རྣམ་པ་གསུམ་གྱི་སྒོ་ནས་འགྲོ་བ་རྣམས་གྲོལ་བ་མཛད་པའི་རྣམ་ཐར་རྒྱ་མཚོ་ལྟ་བུ་ལས་མཛད་པ་བཅུ་གཉིས་ནི་རྣམ་ཐར་གྱི་སྤྱི་སྡོམ་ལྟ་བུ་ནང་པ་ཀུན་གྱིས་ངོས་འཛིན་གཅིག་གྱུར་བྱེད་ཀྱི་ཡོད། དུས་ཆེན་དེ་དག་ཏུ་བཀའ་དྲིན་རྗེས་དྲན་དང་གསོལ་འདེབས་སྨོན་ལམ། ཚོགས་བསགས་སྒྲིབ་སྦྱང་སོགས་རྣམ་དཀར་དགེ་ལས་ལ་ཆེས་ཆེར་བརྩོན་ཀྱི་ཡོད། ལྷག་པར་ས་ག་ཟླ་བའི་ཚེས་བཅོ་ལྔར་ནམ་གྱི་གུང་ལ་ལྷུམས་སུ་ཞུགས་པ་དང་། དཔྱིད་ཟླ་ཐ་ཆུང་ཡར་ངོ་སྟེ་ས་གའི་ཚེས་བདུན་ལ་སྐུ་བལྟམས།