ནགས་ཤོད་ཅོང་བརྡ།
༡༽གནའ་བོའི་མེ་ཏོག་གསོན་པོའི་དགའ་ཚལ་ལ་སྲིད་པའི་སྦྲང་ཆར་ཟིམ་ཟིམ་འབེབ་ཅིང་ལྷད་མ་འདྲེས་བའི་ལྷ་ཡུལ་གྱི་བ་གམ་དགུ་རྩིག་ཐུ་བྷོད་བཙད་པོའི་ཐུགས་ཀྱི་དགུང་སྔོན་ནས་འཁྲུངས་བའི་སྔ་མོའི་ལེགས་བྱང་དང་གངས་ཆུ་དྭངས་མོ་བ་ཚྭའི་འོབས་སུ་མ་ལྷུང་བའི་སྔོན་གྱི་གཤིས་ལུགས་རྩེ་གྲ། རི་ཚོགས་ཀྱི་གྲིབ་སོ་དང་སྤྱང་མོའི་ངུ་ཟུག འུག་པའི་ཐན་སྐད་སོགས་ཀྱིས་བཙོག་གྲིབ་མ་འགོས་པའི་མེས་པོའི་སྙིང་ཁྲག་དྲོན་མོ། རྙིང་ཞེན་གྱི་རུལ་དྲི་དང་གསར་འདོད་ཀྱི་གཡམ་རྒྱུག་མེད་པའི་གསེར་ནག་ཞུན་མའི་ཆུ་ཀླུང་གི་གཏིང་རྩ་སྲ་མོ།
༢༽ཁྱོད་ཀྱིས་ཉམས་དམའ་ཞིང་ཉག་ཕྲ་བའི་མི་རིགས་འདིའི་སྲོག་གི་རྒྱུན་ཐག་བཟུང་ཡོད། ཁྱོད་ཀྱིས་བོད་ཟེར་བའི་མགོ་བདེ་དྲན་འཕྲུལ་མི་ཤེས་པའི་མི་ཚོགས་ཆུན་པོ་ཞིག་གི་སྲོག་རྩ་སྲུང་ཡོད། ཁྱེད་ཀྱིས་མིང་དོན་གཉིས་ལྡན་གྱི་དཔའ་བོ་ཁེར་རྒྱུགས་དང་ར་གྲི་ཁེར་གཡུག་བྱས་བྱུང་བས། ཁྱེད་ལ་འབྲོང་བྲེ་ལུའི་དཔའ་ཡ་དང་སེང་དཀར་མོའི་འཐབ་ཡ་རེད་ཅེས་ཀུན་གྱིས་བསྔགས་པའི་རླབས་སྒྲ་བས་མཐའ་ནས་གྲགས་བྱུང་ལ་བདེན་པར་མཆིས།