སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

ལྟ་བ་རྟེན་འབྱུང་ཞེས་པ་ནི། གཟུགས་སྒྲ་སོགས་བསྐྱེད་མཆེད་བཅུ་གཉིས་ཀྱི་ཆོས་ཐམས་ཅད་ཡོད་པར་འདོད་པ་ཕྱི་ནང་ཀུན་མཚུངས་ཀྱང་། ཡོད་ཚུལ་ལམ་ཡོད་པའི་རྒྱུ་མཚན་མི་འདྲ་བས། ནང་པའི་གྲུབ་མཐའ་སྨྲ་བ་རྣམས་ཀྱིས་འབྲས་བུའི་ཆོས་རྣམས་རང་གི་རྒྱུ་རྐྱེན་གཞན་ལ་ལྟོས་ནས་གྲུབ་པའི་རྟེན་འབྱུང་དང་། རང་གི་ཆ་ཤས་ལ་ལྟོས་ནས་གྲུབ་པའི་རྟེན་འབྱུང་དང་། མིང་དང་རྟོག་པས་བཏགས་པའི་རྟེན་འབྱུང་སྟེ། རྟེན་འབྱུང་ལ་ཕྲ་རག་མི་འདྲ་བ་གསུམ་རང་སྡེ་དངོས་སྨྲ་བ་དང་། དབུ་མ་པ་དག་གིས་འདོད། རྟེན་འབྱུང་ཕྲ་རག་ཙམ་ལས་འབྲས་བུའི་ཆོས་རྣམས་རང་གི་རྒྱུ་རྐྱེན་ལ་ལྟོས་པའི་ལྟོས་གྲུབ་ཀྱི་རིགས་པ་སོགས་ཀྱིས་ལྟོས་གྲུབ་མ་ཡིན་པའི་འདུས་བྱས་ཅུང་ཟད་ཀྱང་མི་འདོད་པ་ནི་ནང་པ་སྤྱིའི་ལྟ་གྲུབ་དང་། སྤྱོད་པ་འཚེ་མེད་ནི།

འབྲི་ལྷ་རམས་དགེ་བཤེས་ངག་དབང་ཐོགས་མེད།

ཐེག་གསུམ་བྱང་ཆུབ་བགྲོད་ལ་ལྟ་བའི་མིག །
ཡང་དག་ཇི་བཞིན་གསལ་བར་སྟོན་མཛད་པའི།།
སྟོན་མཆོག་ཤིང་རྟ་ཆེན་པོ་ཡབ་སྲས་དང་།།
འཇམ་མགོན་བླ་མ་སྲས་དང་བཅས་ལ་འདུད།།

རྗེའི་དངོས་སློབ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་ཆོས་ཀྱི་སྡེ་ཆེན་པོ་དཔལ་ལྡན་འབྲས་དཀར་སྤུངས་པ་ཕྱག་བཏབ་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་དུ། 

དགེ་བཤེས་འབྲི་རུ་བསྟན་པ།
འདྲེན་པ་མཉམ་མེད་སྟོན་པ་བཅོམ་ལྡན་འདས། །
ཚད་མའི་ལམ་ཆེན་གསལ་བྱེད་ཞི་བ་མཚོ། །
ལྟ་ངན་ཚར་གཅོད་རྒྱལ་བའི་ངང་ཚུལ་སོགས། །
གཞུང་འདི་འགྲེལ་ཕྱིར་སྒོ་གསུམ་གུས་པས་འདུད། །

ཅེས་མཆོད་བརྗོད་སྔོན་དུ་བཏང་ནས་གཞུང་དོན་བཤད་པ་ལ། ཚད་མ་རྣམ་འགྲེལ་སོགས་ལས་མ་བཤད་པའི་རིགས་པ་གསུམ་དང་། དེ་ལས་བཤད་པའི་རིགས་པ་ལྔ་ཡི་སྒོ་ནས་དབང་ཕྱུག་རྟག་པ་འགོག་པར་བྱའོ།